FAQ

Misissuinitsinni ilaatigut makku maluginiartarpagut:

Assakaasut: Naammattunik qalequtaqarpat? Assakaasui ajoqusersimappaat?

Qulliit: Qulliit aqqusinermi angallatiniittussat tamakkeqqappat? Ajunngillat? Sila qanoq ikkaluarpalluunnit takuneqarsinnaappat? Maleruagassanut naapertuuppaat?

Isiginiarneq: Igalaavi siorliit avammut isiginiarnermi ajoqutaasinnaasunik ajoquteparpat?

Sinaaqqutit inngigissut: Inngigissuniik sineqarpat aqqusinermi atuisunut navianartorsiortitsisinnaasunik (soorlu pisuinnarnut)? Aqqusinermi angallatit timitaa ajoquteqarpa, kofangerit il.il?

Avatangiisit: Uuliamik kuuttoqarpa? Pisariaqanngitsumik pujoorfiatigut pujuliorpa? Aqqusinermi angallatitit nipiliorpallaarpa?

Aqqusinermi ilinnut nunami aqqusinermilu angalaqaternut isumannaallisaaneq annertooq anguniarlugu angallatit nalunaarsorneqarsimasut tamaasa misissuiffigineqartussanngorlugit aqquserngup sinaanut illikaqquneqarsinnaapput.

Sorpiaat pineqarpat:

·        Biilit

·        Traktorit allallu motoorillit suliaqarnermut atortussiat, 2.000 kg. sinnerlugu oqimaassusillit

·        Qamuteralaat

·        ATV-it

·        Kalittakkakkat

Aqqusinermi angallatinni ajoqummik imaluunniit ajoqutinik nassaarutta qanoq iliornissarnik siunnersussavatsigit, tassani nassaagut qanoq amerlatiginersut sunalu ajoqutaanersoq apeqqutaalluni.

Sualuttunik navianartunillu ajoquteqarpata Kalaallit Nunaata politiivisa biileqqusaajunnaarallartissavaatsit, tamanna atuutissaaq ajoqutit iluarsineqareernissaata tungaannut, aqqusinermilu angallativit isumannaatsumik angalaleqqinnissaata tungaanut.

Nuna tamakkerlugu angalaqatigiilluta angalaarnissarput salliutissavarput, taakkuullutalu sumut misissuiartussanerluta pilersaarusiortassavarput. Taamaasilluta nunakkut angallatit tamaasa isumannaatsuullutillu ajunngitsuunissaat anguniarlugu ajunnginnerpaamik suleqataassaagut, Kalaallit Nunaanni sumiikkaluaruilluunnit toqqissisimanerusumik aqqusinikkut nunakkallu angalasinnaassagassi.

Vestigut sungaartuupput, biiligullu tungujortumik qorsummillu titarneqarlutik, taakkua takugukkit ilisarisinnaassavatsigut. Atisatsinni biilinilu aterput Aqqusinertigut Angallannermut Aqutsisoqarfik allaqqavoq, qungujulalluta naapissavatsigit, apeqqutissaqaruillu suleqatigut piareersimapput ikiuinissaminnut.

Politikkikkut isumaqatigiissutiliortoqarnikuuvoq imannak paasineqartussamik, Aqqusinertigut Angallannermut Aqutsisoqarfik Kalaallit Nunaanni teknikkikkut misissuisussaasoq. Misissuisartut biilinik misissuigaangamik naliginnaasumik misissuineq ajorput, kisiannili maleruagassanik pilersaarusiornissanut atorneqartussanik, siunissami aqquserngup sinaani misissuisarnissamut tunngasunut pingaarutilimmik inissisimapput, tamanna Naalakkersuisut aamma Transportministeriet suleqatigalugit suliaraarput.

Illit aqqusinermilu angalaqatippit isumannaatsuunissaannut tunngavoq.Teknikikkut misissuisarpugut isumannaallisaaqataarusulluta, aqqusinermi nunamilu angallatit nalunaarsukkat teknikikkut misissuiffigineratigut. Biilit, ATV-it allallu aqqusinermi angallatit nalunaarsukkat teknikikkut ajoquteqanngippata ajutoornissaraluit ikilisissavagut. Taamaalillutit Kalaallit Nunaani sumiikkaluaruilluunnit toqqissisimanerusumik aqqusinikkut nunakkallu angalasinnaavutit.

Aqqusinermi angallatit teknikkikkut misissornerisigut, ajunngitsumik unammillertigiittoqarsinnaanissaa tapersissavarput. Aqqusinermi teknikkikkut qanoq ittuussusermik pingaartitsinatik angallatillit, taamaasilluni ilaasunut angalasunullu navianartorsiortitsisartut, inuuniutigalugu ingerlatsisunut unammillertartut unammillersinnaanerat pinaveersaassavarput.